FALAN-QAYN DOODDII “DUUGAAGU WAA MAXAY? SALAAN QIIMO LEH, GUDDOOMA DHAMMAAN SHACBIGA REER SOMALILAND .W/Q;MUSTAFE AW TIRIIG

FALAN-QAYN DOODDII  “DUUGAAGU WAA MAXAY?   SALAAN QIIMO LEH, GUDDOOMA DHAMMAAN SHACBIGA REER SOMALILAND .
DOODDA UU FURAY MUDANE A/RAXMAAN SHOTALY EE AH DUUGAAGU WAA MAXAY?WAXAN MARKA HORE KAGA JAWAABAY DUUDUUB AHAAN WAA
(WADAJIR LOO DHAN YAHAY,IYO TIXGELIN IYO IXTIRAAM LA ISA SIIYO,LANA SIIYO HOGGAANKA UMADDU DOORATO),DABCAN MEEL LAMA WADA
MARI KARO,FIKRADNA LAMA WADA NOQON KARO,HASE YEESHEE INTA YARI WAA INAY RAACDAA INTA BADAN,MACNAHEEDUNA WAA HADDII LAGA
CODBATO,SHAKHSI AHAAN,KOOX AHAAN,XISBI AHAAN INAAD U HOGGANSANAATO,TIXGELISO,INTA BADANI HOGGAANKA AY DOORTAY,LA ISKUNA
RAACAY.
SIDOO KALE ,DAWLADDU WAA SHACBIGA OO DOORTAY HOGGAAN SARE( GOLE SHACBI,MADAXWEYNE)IYAGOO KA WAKIILA KANA TARJUMAYA UMMADDA DOORATEY;HADDABA DOORASHADA HOGGAAMADAASI AYAA SU’AAL KA TAAGAN TAHAY:DOODDUNA KU SAABSAN TAHAY,DALKA S/LAND.OO DOORASHO KU SOO FOOL LEEDAHAY,SADDEXDA XISBI (KULMIYE,UCID,IYO UDUB),YAA HOGGAANKA KU HABBOON,YAA XAALADDA ADAG KA SAARI KARA WADANKA,MAXAA LAGU CADDEYNAYAA HOGGAAMIYAHAASI ,DAACADNIMADIISA,KARTIDIISA,KHIBRADIISA,KUNA KALA
DUWAN YIHIIN.-

ANIGOO JECEL MARWALBA,INAAN KU DHAQMO IXTIRAAMKA QOFKASTAA XISBIGUU TAAGEERSAN YAHAY,IYO FIKRADDIISABA,WAX DHALIILA,IYO
DHALEECAYNA AAN U JEEDINEYN  XISBIGA KALE EE AANAN TAAGEERSANEYN,MAXAA YEELAY ANIGUBA WAAN JECLAHA IN LA IXTIRAAMO,FIKRADDAYDA,IYO TAAGEERANIMADA XISBIGAYGA; HASEYEESHEE,DHALIIL LOO JEEDIYO DAWLADDA ,MACNAHEEDU MAAHA
IN LOO JEEDIYEY XISBIGA UDUB,QOFKA TAAGEERSAN XISBIGA UDUBNA INUU RUNTA KA AAMUSO,OO QALAD DAWLADDU LEEDAHAY DIFAACO,
AMA UU SAARO XISBIGA MUCAARADKA MAAHA;SIDOO KALENA ,HADDII DOORASHADA SOO SOCOTO XISBIGA KULMIYE AMA UCID KU GUULAYSTO,
AMABA UU MARKALE UDUB NOQDO, WAXAA INALA GUDBOON INAYNU ILAASHANO HOGGAANKA AYNU DOORANAY,KUNA ILAALINO,OO HADDII
UU KARTI U YEELAN WAAYO WAXA LAGU DOORTAY,IN MEEL LOOGA SOO WADA JEEDO,LANA DAAFICIN HOGGAAN AAN WAXBA KU FILNEYN,WAXNA
AAN SOO KORDHINEYN,MAXAA YEELAY HOGGAAMIYE KASTA OO SOO BAXA,MARKUU ARKO KII MUCAARIDKA AHAA IYO KII MUXAAFIDKA AHAABA,RUNTA KA SHEEGAYAAN,KUNA RAACAYN QALADKIISA,KUNA BARAARUJINAYA HORUMAR,WAXQABAD IWM,WAXAY U NOQONAYSAA CIBAARO ,IYO TUSAALE,KA DANBE; WAXAYNU  UMMAD SIDAAS AH KU ABUURI KARNAA,IN QURBA JOOGEENNU KU CAAWINNO DALKA,HANUUNIN,BARAARUJIN,JOOGTA AH,MARKA HORENA INNAGU MIDOWNO,GOBOL KASTANA KA SAMAYNO GUDDI SADDEX XISBI KA KOOBAN
IYO MID HEER QARAN AH,DALALKA KELANA MARKAY ARKAAN QURBO JOOGGII REER UK,INAY IYAGUNA SAMEEN DOONAAN SHAKI LA’AAN,EE AYNU
ISKA JOOJINO DHALIILAHAN,IYO GAFAFKA MIDBA MIDKA KALE KU DHALEECAYNAYO,TAAS OO LUMISAY DANTII GUUD,UNA FAAI’DAYSAY DANAYSTAYAASHA IYO AFMIISHAARADA ,TAAS OO INNA DHAXALSIISAY IN KU DHAW 20 SANO INAYNU TAAGANAHAY MEEL KELIYA,HORUMAR LA’AAN,DHAQAALE LA’AAN,IYO ICTIRAAF AYNU ADDUUNKA KAGA MID NOQONNO.

HADDABA,ANIGOO USOO NOQONAYA DULUCDA DOODDA,OO AH YAA KU HABBOON,AMA AAD ISLEEDAHAY SADDEXDA XISBI EE U TARTAMAYA
DOORASHADA SOMALILAND,WAXAAN LEEYAHAY:

HADDAAN LA IS INDHA-TIRAYN,NIN JECLAYSI,AMA NIN KU XUMEE AAN ARRINTU AHAYN,OO MUSTAQBAL WANAAGSAN,OO AY UGU HORREYSO
ADDUUNKA OO CALANKEENU KA MUUQDO,WAA( KURSIGA JIMCIYADDA QURUUMAHA E)DHAQAALE,SHAQO,WAXAAN SHAKI KU JIRIN,CAADNA
SAARNEYN INUU KARTIDEEDA LEEYAHAY XISBIGA KULMIYE EE UU HOGGAAMINAYO MUDANE AXMEDMAXAMED (SIILAANYO),WAXAANANKU
CADDEYNAYAA:-
DADKA REER BANAADIRKA AH AYAA WAXAY KU MAAHMAAHAN (ABKEY DOOLLI DILOW,DAD NOOL MAAS U DAAHA) AABAHAYGII JIIR DILEY
DAD NOOLNA U DAAHI MAAYO, WAXAANAN UGA JEEDAA ANIGOON HADAL BADAN ODHANEYN;
MUDANE,MUJAAHID AXMED SIILAANYO,IYO RAG BADAN OO XISBIGA KULMIYE KU JIRAA,WAA  NINKII ISAGOO AH GUDDOMIYAHA SNM,OO GEED
HOOSTII,OON DHAQAALE,CANSHUUR,IYO DEEQ DIBADEED MIDNA HAYSAN,GAADHSIIYEY SIYAASAD DIBADEED IYO MID GUDABA MEEL SARE,
LAGUNA DOORTAY LABA JEER,KUNA GUULAYSTAY HALGANKII,KANA GUULAYSTAY AWOODII KA SOO HORJEEDDAY,OO CIIDAN KA SAKOW ,ISTICMAALAYSAY SHIRQOOLLO,KALA FURFUR,ISKU DIRID,IWM EE AY SNM KU KALA JABIN KARTO.

HADDABA;NINKA ISAGOON HAYSAN HAY’KAL DAWLADNIMO,OO AY AHAYD JABHAD,KALA DANBEYN LA’AAN FARA BADANI KA JIRTO,OO AAN
HAYSAN DEEQ IYO DHAQAALE ,LA TARTARAMI KARTA AWOODDII KA SOO HORJEEDDAY,KAGA BAXAY,KUNA GUULAYSTAY,ILAAH AWOODII,
IYO SHACBIGII WANAAGSANA EE ISKU DUUNBAA,IYO KHIBRADIISA,DAACADNIMADIISA,DARTEED, AYAA MAANTA OO UU HAYSTO HAYKAL DAWLADNIMO,DHAQAALE,CASHUUR,NABAD-GELYO, OO AYNA JIRIN AWOOD KALE OO KA SOO HORJEEDA,KALA DANBEYN AYAA U DAAHAYA,AMA AAN QABANEYN WAXA AYNU U BAAHANNAHAY,EE AH ICTIRAAF,HORUMAR DHAQAALE,IWM,WAXAANAN KU KALSOONAHAY IN UU KARTIDEEDA,IYO
AQOONTEEDA LEEYAHAY, MAADAAMA MAANTA AYNU HAYSANNO NABAD BUUXDA,MARKAAD NABAD HAYSATO EE AAD HORUMARKII KALE WAXBA
KA QABAN WEYDO,MARKAAD NABAD-GELYO LA’AAN TAHAYNA WAXBA MA QABAN KARTID.

SIDAAS DARTEED,XISBIGA UDUB,HOGGAANKIISA SARE,(DAAHIR RIYAALE,IYOK/XIGEENKA) EE HAYSTAY MUDDADA KU DHOW 8 SANO,OO NABAD KA JIRTAY DALKA,KU FASHILMAY ICTIRAAF INUU KEENO,SHAQO ABUURO,DHAQAALE,IWM UMA QALMO,KUMANA HABBOONA INUU XILKA DAWLADNIMO KU NOQDO MAR KALE. INTAASINA INAGAGA FILAN,WAANA MARKHAATI MA DOONTO,MURANNA CID KA KEENI MAYSO.
XISBIGA UCUD,HOGGAANKIISA SARE,IYO GOLIHIISABA,RUNTII AQOONYAHANNO,IYO DAACADNIMO WEY LEEYIHIIN,BALSE WAXAAN AAMINSANAHAY IN WAAYOARAGNIMO SIYAASADEED,OO XAALADDA DALKU MARAYO,IYO WAXA DALKU U BAAHAN YAHAY EE AH  AQOONSI,HORUMAR DHAQAALE,INUU XISBIGA KULMIYE  DHEER YAHAY.-

MUSTAFE AW TIRIIGLE