Waxaa Maanta Magaalada Hargaysa si balaadhan loogu soo dhaweeyay Gudoomiyaha Ku Meel Gaadh-ka ah ee Xisbiga UCID Mudane Maxamed Macalin Xirsi Axmed .
Waxaana soo dhawayntiisa ka qeyb-qaatay Saraakiisha Sare Ee Xisbiga UCID oo u hormuud u ahaa Murashaxa Madaxweyne ku Xigeen Prof Axmed Cabdi Muuse Abyan .
Sidoo kale Waxaa soo dhawaynta ka qeyb qaatay Taageerayaal tiro-badan iyo madax-dhaqameed .
Waxaana halkaasi ka hadlay masuuliyiinta Xisbiga UCID oo halkaasi ka yidhi kalmado soo dhawayn ah, iyagoo sheegay in xisbigu uu dar-dar xoogan lagu wado, isla markaana uu sannadkan guulaysan doono .
Murashaxa Madaxweyne ku Xigeenka UCID Prof Axmed Cabdi Abyan oo halkaasi ka hadlay ayaa sheegay in Xisbiga UCID uu astaan u yahay Midnimada Somaliland, isagoo soo dhaweeyay Gudoomiyaha ku meel gaadh-ka ah .
Ugu dambayn waxaa halkaasi ka hadlay Gudoomiyaha ku meel-gaadhka ah ee UCID Mudane Maxamed Macalin Xirsi Axmed, waxaanu u mahad-naqay dadwahynaha soo dhaweeyay, isagoo sheegay in Murashax Faysal uu taariikh cusub dhigay, isla markaana Xisbiga UCID uu maanta yahay xisbi uu gobol waliba uu iska dhex arkayo .
