Booliiska Dalka Kenya ayaa halkii uu weerarka argagixiso ka dhacay Salaasadii Todobaadkan ee Dusit2d Hotel ka helay walxaha qarxa.
Warkan oo lasoo dhigay Bogga Twiter-ka ee Ciidanka Boliiska Kenya ayaa lagu sheegay in la dhigay mid ka mid ah xafiisyada Hoteelka, waxanay Dad weynaha ku war geliyeen inaysan welwelin xilliga ay iyagu qarxinayaan Bamkan.
Dhinaca kale, hay’adda Laanqayrta Cas ee Dalka Kenya ayaa sheegtay in Dadka ku dhintay weerarkii ay Al-shabaab ka geysteen halkaasi ay ku dhinteen 21 Qof 19 kalena la la’yahay, iyadoo haatanna ay socdaan baadhitaanno dheeri ah.