GAAJO WAA CADOW!! Duruuf adag baan, ku korey. Daryeel , Hooyo HINDA ma helin Dadaal, Aabo Muuse ,ma arag Dadkana ,kuma lihi walaal Dar-xumo badan baan Qabaa!!!!! Waynu gaajoonaa, balse waxaynu ognahay, cunto meel diyaar inoogu ah. Laakiin iyagu way gaajoodaan,hayeeshee Ma oga waqtiga,iyo meesha ay, wax ka cuni doonaan. Waa Cali-qaawane, Waa Daryeel la’aan iyo Derbi-jiif, Dhulkuu gogladaa, Cirkuu Huwaddaa. Waa gaban, wakhtigu Haraatiyey, waa ubax wax uu dheefsado waayey oo iska Dhacay. Waa kula bani’aadan, haddana Hilib iyo haragtoona ma leh,Feedhihiisa debedda ayaa laga tirin karaa, oo saanta ayey hoosta ka soo gujinayaan,Jiidhkiisu wuu dhamaadey,oo waa Laf iyo seed isa-sudhan.Dhafoorkaa godan’ boga iyo beerkaa isku dhegay. oo macaluul darteed ayaa dheguhu la dhaadheeryihiin. Waa kula jaar(deris), waa qaadaa ma dherge, waa silic ku nool,dadka ka soocan oo gaajaddu sahay u tahay. Cidna ma baryo, oo gacanta ma hoorsado. meelahaa ayuu qadhaabtaa, Tuug ma aha, laakiin wixii daggan ee uu arko ma dhaafo. waa waayo arag, intiisa guun ku ah oo wakhtigu wax baray. Waa muwaadin, u baahan , daryeel iyo gacan-qabasho, Markaad adigoo, Dheregsan oo Xarago , dhaclaynaya, suuqa u soo dhaadhacdo wuu ku arkaa, ku dhugtaa, dhab kuu eegaa, Adigu se ma aragtid, oo inuu jiro iyo inkale ma Ogid. Isagoo ku dhinac socda ayaad maalinkasta Dhaaftaa,Adigaase mooge isagu wuu ku eegtaa.!!! waa Ilmahaaga oo kale. Waa ruux kula mid ah, Waa walaalkaa, oo wakhtigu halkaa dhigey, waayahaa tiir adag ku xidhey. haddii la caawin lahaa, ciidan qaran ayuu noqon lahaa, wadankiisa cadowkasta, ka difaaci lahaa, Hadal iyo dhamaantii, gaajadda dhibteediyo, iyo dhaxanta ayuu ku nool yahay. waa ubadkeenii, Adiguu ku sugayaa,Aniguu i sugayaa , inaga ayuu ina sugayaa oo cid u ah!!!!