Wasiirka Wasaaradda Gaadiidka iyo duulista Hawada, Maxamed Cabdullaahi Salaad (Oomaar) ayaa sheegay in la joojiyey duulimaadyada Caalamiga ah ee yimaadda Soomaaliya iyo kuwa ka baxa Dalka laga billaabo 18 Bishan illaa iyo 3-da April.
Wasiir Oomaar oo kulan deg-deg ah la qaatay Raiisulwasaaraha Dalka, Xasan Cali Kheyre iyo mas’uuliyiin ka tirsan Wasaaradda duulista ayaa sheegay in sababta ay tallaabadan u qaadeen ay tahay feejignaan laga muujianyo Cudurka Coronavirus oo Kiiskiisi ugu horreeyay laga helay Muqdisho.
Mudane; Maxamed Cabdullaahi Oomaar, ayaa sheegay in Dowladdu ay mudnaan gaar ah siin doonto Diyaaradaha Dalka u yimmaadda howlaha Bini’aadam-nimo.
Tallaabada Maanta Wasaaradda Gaadiidka iyo Duulista Hawada ay ku joojisey Duulimaadyada Caalamiga ah ayaa waxaa uu kusoo aadayaa xilli maanta kiiskii ugu horreeyey ee Cudurka Coronavirus-ka laga helay Magaalada Muqdisho