“Madaxweynaha Qaranka Mudane Muuse Biixi Cabdi, ahna Murashaxa Xisbiga Kulmiye waxaan waydiinayaa su’aal:
“Mudane Madaxweyne, doorashadii 2017 waxaan kuugu codeeyay oo aan kugu raacay inaan filayay inaad tahay ninka ugu mudan murashaxiinta xilligaas, ahna mujaahid dalka xuduudihiisa difaaci kara, dadka & dalkana hore u wadi kara.
Balse tijaabadii soo baxday muddadii aad xilka haysay waxay muujisay in bulshada Somaliland ay ku hungowday filashadii ay kaa qabtay oo ahayd inaad fulin-karto ugu yaraan qodobadan hoos ku xusan:
1. Kalsoonida & is-aaminaada bulshada Somaliland
2. Isku-haynta dadka iyo dalka Somaliland
3. Sugidda amniga iyo xuduudaha qaranka, iyo difaaca dadka iyo dalka Somaliland.
Maanta, bulshada Somaliland waxay ka dharagsantahay inaad faro-madhan ka taagantahay dhammaan qodobadan sare ku xusan, iyo qaar kale oo tiro badan.
Haddaba, su’aashaydu waxay tahay:
dadka Somaliland ee hore kuu soo tijaabiyay, isla markaana arkaya inaad ku fashilantay hogaamintii dalka maxay kugu aaminayaan maadaama intii laguu filayay hore loogu hungoobay?”
Axmed Muumin Seed