Hoggaamiyaha Xisbiga ugu weyn Waddanka NIGERIA ee Xisbiga (The People’s Democratic Party) ahna Guddoomiye Xigeenka Golaha Senate-ka Ee Baarlamaanka Nigeria Mr Ike Ekweremadu, ayaa ammaanay Jamhuuriyadda Somaliland, waxaannu sheegay inay Somaliland tahay waddan guulaystay, balse Somalia ah dal fashilmay weli ay dunidu lugta ugu xidheen.
Siyaasi Ike Ekweremadu oo ah Guddoomiye ku xigeenka Aqalka golaha Senate-ka ee Baarlamaanka waddanka Nigeria iyo sido kale hoggaamiyaha Xisbiga Mucaaridka ugu weyn dalkaasi ee loo soo gaabiyo (PDP) ahna Siyaasi ruug cadaaya oo xilal tiro badan oo kala duwan ka soo qabtay waddankiisa, ayaa sida ay qortay Wakaaladda dalka Nigeria laga leeyahay ee vanguardngr.com, oo Wargeyska Saxansaxo warkani ka soo xigtay, hadal waxa dheer oo uu ka jeediyey Shirweyne Sannad leh ah oo loo qabto urur ay ku mideysan yihiin Qaramadda iyo Dawladdaha Koonfurta iyo Bariga Qaaradda Afrika oo magaciisu yahay (South-East Governors & National Assembly Members), waxa uu halkaasi kaga hadlay Gobollada gooni goosadka ah iyo Jamhuuriyaddaha ka go’ay dalalka ku yaal qaaradda Afrika, waxaanu ku soo qaatay kuna soo daray warbixintiisa Qadiyadda Jamhuuriyadda Somaliland oo uu sheegay inay 30 sanno mudo ku dhawaad ah, dunida ka baadi doonaysay Ictiraaf qaran buuxa inay ka hesho iyada oo nidaam dawladnimo ku guulaysato inay dhisto, balse mr IKE waxa uu hoosta ka xariiqay iyada oo Somaliland wax kasta ku guulaysatay in hadana lugta loogu xidhay Somalia oo ah dal ku fashilmay inay dawlad dhistan.
Guddoomiye ku xigeenka Aqalka Baarlamaanka waddanka NIGERIA Mr Ike Ekweremadu oo sidoo kale ah Siyaasi ruug cadaaya oo xilal tiro badan ka soo qabtay waddankiisa ahna sido kale hoggaamiyaha Xisbiga Mucaaridka ugu weyn dalkaasi ee The People’s Democratic Party Mr Ike Ekweremadu, ayaa warbixin dheer ka diyaariyey dalalka aan la aqoonsan.
Hoggaamiyaha Xisbiga ugu awooda badan Waddanka NIGERIA ee Xisbiga PDP (The People’s Democratic Party) ee waxa uu isaga oo Jamhuuriyadda Somaliland amaanaiyey sheegay in Somalia oo ku tilmaamay inay qaran guul daraystay ilaa hadana Somaliland ay sheegata tahay waxa uu yidhi “Waxa jirta Mawduuc Kiiska ah Qadiyadda Aqoonsi raadiska ee Somaliland, waana mid taagneyd ku dhawaad 30 sanno, ka dib markii ay kala soo noqdeen madax-bannaanidooda Dawladdii dhexe ee Jamhuuriyaddii Somaliyeed, waxaana dalka ugu wanaagsan (Jamhuuriyadda Somaliland) Dawladdaha iskood isku magacaabay, waxaana la odhan karaa British Somaliland waxa ugu fiican ee ay dhisteen, inay yihiin qaran Madax-bannaan oo iskood u taagan, balse haddana weli lagu tiriyo inay qayb ka yihiin Somalia, inkasta oo ay xaqiiq jirta tahay inay Somalia tahay qaran Fashilmay”