Ragga maanta ku doodaya heshiis kaasi sharci maaha waxan u arkaa ula jeedadoodu ay tahay guryaha aanu dhisanay ee aanu ku jirnaa sharci maaha,xukuumaduna sharci maaha,etoobiyo iyo DP World-na Sharci maaha,umana hayaan cadayn sharci.
Taas oo macnaheedu yahay 3da dal(JSL,Emirates iyo Etoobiya) mid koodna awood ay ku heshiiyaan ma laha.Waana ayaan darro dadkeena qaar haysata oo aan dalkiisa iyo dawladiisu aanay qaayo la lahayn,keliya la qiimo badan tahay danahooda gaarka ahi.
Waxaan cidna daah ka saar nayn jiritaanka dalkan JSL,xukuumaduna masuul ka tahay gebi ahaanba dalka,dadka,horumarka iyo heshiis yada shisheeye.Labada gole ee sharci dejintuna ansaxiyaan,kuna ilaaliyaan xukuumada ku dhaqanka dastuurka. Anigu garan mayo halka xisbiyada mucaaridka ah uu dastuurka ku cadeeyay inay talada dalka iyo hogaaminta dalka la wadaagaan xukuumada.Mana arag siyaasiyiinta aan ka tirsanayn xukuumada iyo golayaasha sharci dejinta ee ka hadlaaya dawlado kale ama jawaab ka bixinaaya hadalo ka soo yeedhay.Talaabooyinka noocan ah waxay tilmaamayaan dalka inaan dawladi ka jirin.
Hadaan u soo noqdo heshiiska mashruuca dekeda Berbera dasuurka JSL ayaa madaxweynaha u siiyay awood uu ku hogaamiyo siyaasada guud ee dalka.Wasiiradana dastuurka ayaa awood u siiyay fulinta siyaasada guud ee uu madaxweynahu dalka ku hogaaminayo.Sidaa darteed waa dastuuri xukuumad JSL inay heshiisyo la gasho sharkado shisheeye ama dawlado shisheeye.2da dhinac ee kale DP World waa sharkad ay qayb ka tahay xukuumada UAE sidaa heshiiskoodu waa sharci.Xukuumada Etoobiya-na heshiiska ay cid la gashaa waa sharci.
Hadaba aduunku siduu u dhaqmaa waa sidan heshiis kan oo kale,waana dan aan kuu fuliyee anigana tayda ii fuli.
Xukuumada JSL waxay qaaday talaabadii furaha kobcinta dhaqaale ee dalka,waxaanu heshiiskani inagu hagayaa jidka aqoonsiga.Markaa waan ku taagerayaa waanan ugu ducaynayaa hogaanka khayrka leh ee wadaniyada ah.
Waxan ku soo gaba-gaynayaa muwaadin kala saar siyaasada dalka gudahiisa iyo qaranimada JSL.
Xuseen Xasan Badmaax
Hargeysa/JSL
0634026100
0659309105